21 лютага ў Кавалёўскай сельскай бібліятэцы-музеі адбылася гадзіна духоўнасці “З любоўю да роднага слова”, прысвечаная Дню роднай мовы.
Падчас мерапрыемства дзеці чыталі вершы беларускіх паэтаў, адгадвалі беларускія загадкі, перакладалі рускія словы на беларускую мову,расшыфроўвалі прыказкі.
Напрыканцы мерапрыемства дзеці склалі кветку “Гучы роднае слова”, на пялёстках якой былі напісаны словы: сонейка, каханне, радзіма, матуля і інш. Усе яшчэ раз упэўніліся ў тым, што трэба любіць і шанаваць родную мову, бо менавіта ў ёй захавана гісторыя нашага народа, сіла і прыгажосць слова.
Прысутныя пазнаёміліся з тэматычнай зонай “Любіце і шануйце роднае слова”, на якой былі прадстаўлены кнігі сучасных беларускіх пісьменнікаў для дзяцей.