21 лютага ў Міжнародны дзень роднай мовы ў Кавалеўскай сельскай бібліятэцы-музеі прайшло фальклорнае падарожжа ў княства беларускіх скарбаў. У падарожжы прынялі ўдзел дзеці малодшага і сярэдняга узростаў. 
    На першым прыпынку “Калыханка” дзеці успаміналі песні, якія напявалі ім іх бабулі і матулі. На другім прыпынку “Загаданачка” – адгадвалі прапанаваныя загадкі. На “Казачным” прыпынку адказвалі на пытанні казачнай віктарыны, а на прыпынку “Прыказкі і прымаўкі” – са слоў-пазлаў складалі прыказкі. На апошнім прыпынку “Лічылкі і гульні” пры дапамозе вершаванага твора-лічылкі вызначылі вядучага і пагулялі ў гульню “Сляпы музыка”.  У канцы мерапрыемства бібліятэкар пазнаёміла з выставай кніг, прысвечаных беларускаму фальклору для дзяцей.