21 лютага ва ўсім свеце адзначаецца Міжнародны дзень роднай мовы.
   Мова –частка чалавечай культуры, гістарычнай спадчыны. Дзякуючы ёй, працягваюцца народныя традыцыі. Мова абуджае цікавасць да пазнання свету, садзейнічае праяўленню мінулага і служыць элементам а’бяднання людзей незалежна ад месца і часу іх знаходжання.
Кожны год да гэтай даты рыхтуюцца і чытачы Пушкоўскай сельскай бібліятэкі. Не стаў выключэннем і сёлетні год. У гэты дзень яны сабраліся на гадзіну беларусазнаўства пад назвай: “Які гэта цуд - мова мая родная!”, якая была прысвечана нашай краіне, мінуламу і сучаснаму Беларусі, яе чароўнай прыродзе.
   Юныя чытачы даведаліся, чаму наша краіна мае такую прыгожую назву – Беларусь. Даведаліся пра сталіцу Беларусі , горад – герой Мінск, з яго культырнай і гістарычнай спадчынай.  Узгадалі славутых продкаў- першаасветнікаў – Еўфрасінню Полацкую, Кірыла Тураўскага, Францыска Скарыну. Пра кожнага з іх расказалі вядучыя мерапрыемства Майер Кацярына і Анастасія.
  Асобная частка мерапрыемства была прысвечана нашай  Віцебскай вобласці, якая зусім нядаўна адзначыла сваю юбілейную дату. З гэтай нагоды  Баранкова Юлія дэкламавала верш  Канстанцыі Буйло “Люблю наш край”.
Прагучалі вершы В.Шведа “Я нарадзіўся беларусам” у выкананні Мікіты Суконкіна і верш А. Пысіна “Дала мне маці гэту мову” у выкананні Віялеты Каласковай. А таксама дзеці адказвалі на пытанні віктарыны аб прыродзе Беларусі, адгадвалі загадкі, услых чыталі залацінкі народнай мудрасці -  прыказкі і прымаўкі.
  У канцы мерапрыемства ўсе разам прыйшлі да высновы, што мы, беларусы ганарымся і шануем родную мову, бо нашы дзяды і прадзеды зрабілі нямала, каб беларуская мова была прызнана роўнай сярод усіх моў свету.