“Кніжная спадчына Францыска Скарыны” - пад такой назвай, 26 красавіка, вучні сельскай школы разам з бібліятэкарам Пушкоўскай сельскай бібліятэкі сутыкнуліся з гістарычнымі віражамі беларускага кнігадрукавання, 500-годдзе якога будзе адзначацца сёлета ў нашай краіне. Ва ўступным слове бібліятэкар адзначыла пра важнасць спадчыны Францыска Скарыны ва ўсёй беларускай культуры. Бо менавіта ён, Францыск Скарына, першы прынёс Усходняй Еўропе ўзор кніжнага мастацтва. Спадчына Скарыны – наш беларускі гонар наш нацыянальны скарб і візітоўка нашай краіны.

    Дзе, калі і колькі кніг надрукаваў Скарына, а таксама якія кнігі, даведаліся карыстальнікі пад час мерапрыемства, а таксама і пра славутыя Скарынавы параўнанні, прадмовы і пасляслоўі да кожнай кнігі Бібліі і да самога выдання, якія складаюць аснову яго літаратурна – публіцыстычнай спадчыны. Пазнаёміліся з пераказам сюжэта кнігі “Эсфір” і прадмовай да кнігі “Выхад”. Паводле праслуханага вучням была прапанавана віктарына, на якую карыстальнікі з ахвотай адказалі.